Leben und Tot

Leben und Tot

Läbä und Tot….✨Ich möcht üch gärn äs paar Gedankä vo mir mitteilä wo mi diä Wuchä eimal meh sehr starch begleitet. Ich ha äs sehr emotionals Shooting dörfä machä wo mir gwüsst händ, dass än liäbä Ehemaa, Papi und Grospapi glii zu dä Stärnä wird flügä. All sini Kräft hät er nomal zämä gno zum sinä Liäbschtä diä wichtigä Bilder no chönnä z’schänkä….am nächstä Morgä hät er dörfä i schlafä….äs hät mich tüüf beidruckt, dass sie i derä Situation mir s’Vertruä gschänkt händ und sie dä Muät gha händ zum Bilder z’machä und diä Bilder für immer sehr viel bedütä wirdet…zum alles verstah….zum gseh, dass sie ihm bis zum schluss ganz viel Liäbi händ dörfä mitgä….
….am nächschte Tag hani äs Newbornshooting dörfä machä….äs nüs Läbä uf derä Wält…wo darf sini Gschicht sälber schriebä und wo vo liäbä Mänschä begleitet wird….
….so nöch isch s’Läbä und dä Tot binenand und i üsem hektischä Alltag wird das viel z’schnäll vergässä….ja…mer wett viellicht au gar nöd dra dänkä…mäldet sich binerä Familiä nümmä….will mer meint, dass mer nöd diä richtigä Wort findet und so liäber nüt seit….glaubed mer…das isch genau s’falschä. Ich ha min Dädi mit 15ni verlorä und ich hett gärn drüber gredt….aber as git Lüt diä lueged eifach wäg….sie meineds nödemal bös.
So also mini bitt…..redet über dä Tot, gnüssed jedä Momänt wo mir dörfed da verbringä und schänked dä Mänschä wo öper verlorä händ nur äs chlises Zeichä zum zeigä…dass sie nöd ällei sind….das mer a sie dänkt….und wänns nur äs Kerzli vor dä Tür isch mit dä Wort….ich weiss nöd was sägä aber ich dänkä a üch…..

LIEBE IST POESIE DER SEELE

LIEBE IST POESIE DER SEELE

Bei diesem Familienshooting mussten wir uns durch den Schnee kämpfen um an den Sihlsee zu kommen! Es hat mir unglaublich viel Spass gemacht zu sehen, wie natürlich die beiden vor der Kamera sind…und auch ihre Kinder.
Ich werde euch mehr Bilder von den Eltern zeigen und die Bilder mit den Kindern bleiben mehrheitlich bei der Familie! Ich als Mami kann es sehr gut verstehen, wenn man lieber keine Bilder von seinem Kind auf Instagram und Facebook haben möchte…daher frage ich auch jedes Mal nach Erlaubnis bei all meinen Kunden.