D’Alexandra und dä Marco han ich letscht Jahr dörfä a ihrem Hochsig begleitä. Sie känned sich scho ganz lang und no immer hät mer d’Liäbi zwüsched ihne Beidä ganz fescht dörfä gspührä. Ich dänkä gärn a üches schönä Fäscht zrugg und dankä üch vo ganzem Härzä, dass ihr mir üches Vertruä gschänkt händ.
Wänn au du dis Hochsig am planä bisch und no än Fotografin suächsch freu ich mich über än unverbindlichi Afrag vo dir.
Am letschtä Samstig hät für mich d’Hochsigs-Saison a gfangä. Äs isch eifach än traumhaftä Wintertag gsi und perfekt zum hüratä! Liäbi Jasmin, Liäbä Valentin….ich dankä üch vo ganzem Härzä, dass ich üch dä ganzi Tag und Abig ha dörfä fotografisch begleitä! Üches Hochsig isch eifach perfekt gsi mit vielnä liäbä Mänschä und ganz viel Musig. Für üchi gmeinsami Zuäkunft wünschi üch alles Liäbi!!!Ich freu mi uf alli wiiterä Hochsigä das Jahr. Und wänn au ihr no än Fotografin suäched…ich hetti no paar wenigi Terminä frii.
Und sälber dörfi Hüt au no grad mit minerä Brass Band spielä und Zuähörer mit schöne Kläng verwöhne!Hüt hani mal keis Hochzyt, däfür äs paar Fotoshootings.Trotzdem möcht ich üch zeigä, was für es wunderschöns Bruutpaar ich am letschtä Samstig ha dörfä fotografierä!Das Chleid isch doch eifach än Traum! Dankä Priska & Ueli das ich üch dä ganz Tag und au am Fäscht ha dörfä begleitä. Äs isch äs wunderschöns Hochsig gsi.
D’Bettina und de Mathias hani im Juni dörfe begleitä. Äs isch es u schöns Hochsig gsi mit viel Sunnäschii!Ich dankä üch beidnä für s’Vertruä.I dä zwüsche Zyt hani scho es paar wiiteri Bruutpaar dörfe begleitä.Hüt am Numitag bini sogar bi zwei Päärli däbi wänn Sie sich s’JA-Wort gend und morn grad nomal! Ich freu mich uf üch!
Mini Hochsigs-Saison isch scho voll im Gang. So hani letscht Samstig äs wunderschöns Paar dörfä a ihrem Hochsigstag begleitä. S’Wätter isch eifach numä perfekt gsi und so hämmer am Vierwaldstättersee äs traumhafts Shooting chönnä machä. De Momänt wo d’Anita und de Daniel sich s’erschti Mal gseh händ isch unbeschrieblich schön gsi und so isch mir hinder de Kamera au no es Trändli abä kulleret. I de Chilä St. Jost z’Ennetbürgä händ diä zwei sich dänn s’JA Wort gä. Diä Ussicht isch eifach genial gsi.Vo ganzem Härzä möcht ich üch DANKÄ sägä für üches Vertruä, DANKÄ das ich diä Bilder hiä zeigä darf und ich wünschä üch alles Gueti uf üchem Gmeinsamä Wäg.
